尋日整完1~5月的日記
今朝就整埋6~12月…
06年10月死曬圖
06年11月應該係file死
都算幾順利的...
因為有D真係要整一整條link先搵到
04年同05年我試了好耐
不過好像係佢成個file都死曬...
點都好，大家鐘意就睇下啦^^"
馬仔BLOG：
http://www.maggiemarket.com/
再PS:我真係做曬手頭上的野我先攪呢個架~~我無偷懶架！！
PSS:我又轉了工啦~呢份工真係好嘆，又自由~Yeah~
(閱讀全文)點解成個月無打
一打就係呢D？
因為馬仔個BLOG呢
之前唔知受過什麼剌激...
攪到好多舊的日記睇唔到
有D就算連得到，D圖都死曬LINK
到今日得閒睇個陣
有個方法可以睇得番之前的日記
結果成個朝頭早我都係度玩緊呢樣...
馬仔BLOG：
http://www.maggiemarket.com/
PS：我真係有做公司野架= =~
我只係趁得閒先攪架~
我連LUNCH都無食係度攪
証明我幾上心XDDDDDDD
塊版都唔係成日用...
攪到好像無乜進步過=_=
我其實係我張床度做曬
因為我張床得個櫃
我都係係樓下垃圾站執塊版當書枱用"
（一用就用了幾年囉~~）
點解我會係夜晚度做…
因為唔知點解只要有關創作的野…
我都唔想給人知"...
由我寫小說到而家畫野都係咁架...
我唔鐘意係我寫寫下，畫畫下個陣
就會有人係我附近度笑我......
所以晚晚就係我的工作時間啦"
差唔多係屋企度呆了個半月...
而家我間房係勁乾淨=_=
日日無野做係咁執野執野同執野.......
我部腦而家係勁乾淨"
又睇番好多舊的動畫"
雖然唔充實但都叫做做番之前無時間做的野~
呢期好鐘意得閒無事打上去電台度講下野"
有人可能會覺得我好無聊
但我又覺得幾好玩咁樣
差唔多星期一至五都會聽電台訓較
攪到我晚晚3~4點先會訓得著......
前幾次我都有dl到再cut出來收藏
而家可能被發現了dl唔到…
唔開心""
同埋係度講下我一件白癡野出來=_=..........
米爸你睇下啦！我而家個桌面好乾淨架啦！！
講番上篇肚痛單野....
證實了....唔知乜事=_=
只知到而家成兩個月，我個肚都係痛痛地........
唉...到而家都重未知乜事...
米爸就話我係食得太多...痾曬出來就唔會痛...
我媽媽就話我應該係個D雞肉有事…
但我就認為...支C.C LEMON太凍........（因為今日偷飲汽水，飲完仲痛...）
尋日淩晨個陣我已經話想去睇下醫生…
但抖抖下又覺得無咁痛…就訓到朝早先算…
以為訓下就無乜事...
點知...痛到而家...重痛緊......"
個重痛唔係經痛來...
係.....好像D腸拿埋一舊咁痛....
如果係經痛都重可以忍到...
呢隻我真係忍唔到......
上次我都試過咁樣痛...
番番下工放LUNCH個陣突然好痛....
最後痛到去睇急症"
點知...去到又等了勁耐囉...
去睇個陣都唔痛啦！！（嬲）
其實大家可以幫下我做乜咁痛架"
我講一講我尋晚的餐單
早午餐
外賣肯德雞
+
可樂
下午茶
葡卡
晚餐
一小碗上海麵
+
半碗炒飯
+
C.C.LEMON
=_=........（米爸：抵你死呀~~食得咁豪！！）
買到啦~買到啦~~超開心呀~~!!!
咁大個女第一次早起身去買飛炸....
差不多9點去排都唔係好多人…
前面大約2x個到..."
排了差唔多兩個鐘咁濟
其中後面個個師奶嘈到爆喎...
係度話乜~上次去個陣個台係見到架
之後又話~做乜分段排隊喎，好多嗎~~
排到入去個陣呀...佢d師奶朋友們來曬...
個陣就真係...超煩...
最憎d女人係度嘈冤把之閉咁樣...
最後買唔到星期日的飛呀...>.<
只買到星期二炸..."
不過都好過無~
我地兩個都會勁勁期待的啦...
第二樣野呢...哈哈...
星期五會走去會展拎書迷證XD
之後就入去掃掃掃掃掃掃...
掃馬仔...掃馬仔...
馬仔D野要好快手先有得拎禮品架...
今年佢送M巾袋XDDD
今次希望去到梁進簽書會
拎曬佢咁多本去簽呀...哈哈哈...
不過米爸好像唔批準我去............
同埋今年希望可以殺到去兒童館同豆豆玩啦~^.^~
好忙好爆...
鴛鴦又煩到死...尋日扯曬火呀...驚驚""
另外：
嘩…唔睇唔知原來我都好耐無打過野上來"
不過都無人睇的啦（笑）
講一講呢排攪緊乜先…
自從上個月經ICE.F推薦下就玩了SIM3
一玩就上曬腦@.@
岩岩玩個第二日我重訓訓下較都好想起身繼續玩"
到尋晚我都重有玩到架~
我想住玩到全家過曬身先至再開過新的來玩（喂喂...）
不過玩個陣都幾慘下...
話說我玩第一次就係我同米爸兩個啦"
咁之後生了1個女，之後死唔信邪，又生多了5個XD"
點知就完全攪唔掂...
最後忍痛咁樣DEL了個SAVE佢再開個個新...
至於新個個呢，都重係我同米爸啦
生了2男2女~
而家呢，老豆老母死了啦
兩個大女已經到退休期了
但..........佢地4個都未結婚架=口=！！！
發覺自己真係重未好識得玩...
想住死曬個4個之後就又開個新來玩..
真係...沒完沒了啦！
第二樣呢~
就係我呢兩年的讀書生涯已經完了啦~~
不過我9月要補讀番一科，而家重未有得拎成績表.....
咁其實呢，呢個COURSE係有2張證書拎的"
到去拎個陣呢，個SIR講得唔清又唔楚
我係勁想罵佢=.="
拎證書個日重要有3場交收...倦爆...
張證書對找工會有D用，不過我重未識得打入去...
我太蠢了>w<~
第三樣呢~"
呢單野就前兩日（星期六）發生
事源就星期六我都會聽尋常事。認真做
而家佢地有個搏GAG會環節
我打了成四個禮拜終於可以玩下啦>w<~
好好笑，我重話要用我個生日日期做編號
點知D GAG呢...爛到爆，被的神佢地估中曬喎...
咁都唔緊要，佢地就給我估
估唔到不突止，唔知點解我重要"妖"了一聲...
佢地話我爛口呀XDDD >口<~~
發覺之後想番其實好唔開心架...
自己個個禮拜都MSN轟炸，之後重要勁爛口...
到後尾重問埋係未有書迷證（而家肯定個個都係為了張書迷證而打上去）
發覺自己好多餘...
不過其實重有下文架
咁我打完之後，表妹打給我..
佢話佢聽到，重話曬給我媽，家姐，呀姨個D咁樣...
我唔係好明...點解我打上去電台，就一定要全世界都知先...
知的話其實都唔需要又打番曬同人講話我打上到電台講野...
我想上去玩，但我唔想識我的人知道或者聽到...
我之後會好X煩架...
上次打上去已經被我媽話了半日...
我已經怕怕，星期六應該唔會有人聽啦"
點知都係重演番呢件事出來...
老實講，其實我都嬲嬲地...
我想我唔會再打上去電台度玩架..
始終我都係不適合出現呢D大眾場合...
講埋張書迷證"
其實張書迷證只可以自己一個入去..
唔可以帶人入場...
咁...唔多好囉我覺得=.="
哈哈...始終太多野發生...
我又講都講唔曬...等我有番心機先再打過啦^^~
其實對「朋友」這兩個字失去信心時...
已是我在小學時候了...
在我小學時我因為做了一點事...
我被人排斥...被人歧視...
無人願意和我玩...無人願意和我傾訴...
被人用沙扔向我個口度...我d習作簿人扔了出街也無人可憐我...
全班的人都當我怪物看待...
當時連老師也覺得我是一個問題兒童...
連續三年我也要見社工...
不過我個人都好樂天...
當時就算有人和我講「我其實很想和你做朋友的，但我不想被班上的人見到」
我也蠢到相信佢地的說話...以為她們是真心的和我做朋友
而且我的學校是一等一的名校（是區內十大名校的）...
有點老師根本只理會學生的成績...
當時其實我很多謝我的班主任：黃老師...
佢真係明白我的苦處，在各方面也很特別關照我...
我好記得當時升派中一，黃老師講過一段說話
「大家要好好珍惜你的朋友，因為這六年是你在學校生涯中可能是活得最長久的六年」
但真的對唔住...我完全不留戀這裡的生活，我也不想珍惜當時的「朋友」
更加不想再記住呢d每日只玩弄我為娛樂的所謂「同學」
中學的時候也是不好過...
中一，我的飯盒被人扔了出街，都無人同我講，要我番到課室先發現..
中二，我被人打，我被人扔過出走廊，每日番學都要膽驚受怕...
中三，我好記得一句說話「你呢個d名反正都係涯到中五，你咪涯埋佢囉！」
點解我要涯？一開始我呢d不愉快的回憶是邊個攪出來的？
你還好意思講出來？
連我個班主張林婉珊都係咁樣，明知件事唔係我錯在先，竟然一句同我講因為怕了攪我個個人，所以要我食死貓
一個讀了廿幾年書，枉你為一個老師都可以講得出呢d說話，你都仲可以加多句「我真係驚你一出去跳樓死咁我點呀？」
中四，我被人恰，我先夠膽去「回禮」，但換得來的下場只是活得更加慘，一班只識得以成績來分類的同學，竟然好意思叫我多一事不如少一事...
中四第二年，我才慢慢改善過來，我也終於明白，我不想再當弱者，與其被人恰，不如自己努力一下，不要再被人恰重好了...
中五...我不是有什麼微言，我只是不再相信一點「保持聯絡」的說話...在謝師禮，中五last day，我都無喊過...因為我真的不想再留戀...我只是想盡快走...我不捨得老師...同學...朋友...算了...在佢地的眼中，我只是一個微不足道的人...
可能我是不鐘意行街...出去識朋友關係...
我真正可保持聯絡的同學，一個都無...
真的一個都無...
連我在網上識的朋友也已經不再理我...
佢只沉淪連網上世界上...
我不想和佢一樣..所以選擇放棄...
想不到在IVE讀書時我才是最開心
雖然而家已經讀完，但我也很愛我在IVE認識的同學...
有時我都真的很犯賤的...
在我人生中我有5個真正想和我做真心的人...
我也因為自己的問題一一把佢地趕走曬...
在我小時候很多人都成日利用我…
到我要做壞人，要利用我的朋友時我是不忍心…
所以我也是決定回到我的孤獨世界上…
我自己受傷就好了…我不想傷害你們…
我寧願你們討厭我，我也不想繼續的因為我在你們身邊而受到傷害…
我是很多謝你們，肯願意接受我…
但對唔住…我小時候的傷害已經夠多了…
我真的不想再因為我的問題而令到你們不開心了…
在我聽你們的訴苦時，也希望你願意聽一下我的感受了，好嗎？
以前的事我真的忘記不到了…
因為所受的傷實在太多了…
我已不懂得去真心的對待我的朋友了…
我很想去做一個無憂的人
現在的生活其實是很快樂…
但我每日也在想一點不開心的事…
最後都終會覺得…我是一個不快樂的人…
我真的做不到…
我很害怕自己一個人，我很驚…
我不喜歡每晚在胡思亂想的我…
我不喜歡每晚在喊的我…
我更不喜歡的是…被人無視的我…
希望這是最後一次我在這祝訴苦
因為我想把快樂，開心發放給其他人~
在其他人見到我的快樂時，也希望明白，人生是有很多快樂的事情的^^
